Дэлгэрхаан суманд зохион байгуулагдсан гамшгаас хамгаалах команд штабын сургалт амжилттай боллоо. Сургалтанд аймгийн Онцгой байдлын газрын орлогч дарга ахалсан ажлын хэсэг, Бүрэн, Эрдэнэсант, Лүн, Өндөрширээт, Баянөнжүүл сумдын штабын бие бүрэлдэхүүн оролцлоо. Сургалтын үеэр ажлын хэсэг гамшигаас хамгаалах тухай хууль, галын аюулгүй байдлын тухай хуулиудаар сургалт зохион байгуулж, сумын ерөнхий зориулалттай мэргэжлийн ангийн томилгоот бие бүрэлдэхүүнийг ''Яаралтай цуглар'' дохио зарлан бэлэн байдлын үзлэг шалгалт явуулсан. Мөн объектын гал түймрийн голомтыг таслан зогсоох, хүн малын гоц халдварт өвчин гарсан үед хорио цээрийн дэглэм тогтоох зэрэг зохиолоор цагийн байдал үүсгэн дууриах сургалтыг амжилттай зохион байгууллаа.