Аймаг, сумын Засаг даргын мөрийн хөтөлбөрт тусгасан Төрийн үйлчилгээний чанар хүртээмжийг нэмэгдүүлэх, төрийн албан хаагчдын ажиллах орчин нөхцлийг сайжруулах, сум орон нутгийн иргэдэд төрийн үйлчилгээг ая тухтай таатай орчинд үзүүлэх зорилгоор Орон нутгийн төсвийн 1.7 тэрбум төгрөгөөр Дэлгэрхаан суманд Нутгийн удирдлагын ордонг шинээр барьж ашиглалтад орууллаа.

Нээлтийн үйл ажиллагаанд аймгийн Засаг дарга Д.Мөнхбаатар, аймгийн Засаг даргын зөвлөх Ц.Буманбуян, Аймгийн ХБТХОХ-ийн дарга Д.Саран-Эрдэнэ, сумын үе үеийн удирдлагууд, улсын аварга малчид, ард иргэд ирж оролцлоо.

Мөн энэ үеэр аймгийн ""Хөдөлмөрч манлай ахмад"" -аар ахмад багш Д.Пүрэвсүрэн, аймгийн ''Хүндэт тэмдэг''-ээр сумын ЗДТГ-ын мэргэжилтэн Д.Атардээж, Архив бичиг хэргийн эрхлэгч Т.Ундрахбаяр, аймгийн Засаг даргын ''Хүндэт жуух бичиг''-ээр сумын ИТХ-ын Ажлын албаны мэргэжилтэн Р.Заяадэлгэр, З ДТГ-ын ХЭЗМэргэжилтэн Ж.Бямбасүрэн нар шагнагдлаа.