ДЭЛГЭРХААН СУМААС ТӨРСӨН СУМЫН АВАРГУУДЫН ШАГНАЛЫГ ГАРДУУЛЛАА.

Монгол түмний уламжлалт Сар шинийн баяр XVII жарны "Хилэнт эх" хэмээх модон луу жилийн босгон дээр улс эх орон, аймаг орон нутгийнхаа эдийн засгийн тэргүүлэх салбар болсон хөдөө аж ахуйн салбар, тэр дундаа мал аж ахуйн салбарын хөгжлийг хангах үйлсэд үнэтэй хувь нэмэр оруулж байгаа Дэлгэрхаан сумын Дуут-Хуримт 2-р багийн малчин Лувсаншаравын Төмөрлхагва "СУМЫН ХОШОЙ АВАРГА МАЛЧИН"-аар, Тарган 1-р багийн малчин Чунагын Чулуундорж,  Давст 3-р багийн малчин Бямбадоржийн Эрдэнэбаатар нарыг “СУМЫН АВАРГА МАЛЧИН”-аар, Давст 3-р багийн малчин Отгонбаатарын Бямбасүрэн “СУМЫН ЗАЛУУ АВАРГА МАЛЧИН”-аар тус тус шагналаа.

Мөн буянт малынхаа уламжлалыг энэ цагт залуу хойч үедээ өвлүүлэн ажиллаж байгаа хөдөлмөр зүтгэлийг төр засгаас үнэлэн Тарган 1-р багийн малчин Ганхүүгийн Эрдэнэцогт, Дуут-Хуримт 2-р багийн малчин Шүншрээгийн Базардорж, Дуут-Хуримт 2-р багийн малчин Варшийхүүгийн Базардорж,  Дуут-Хуримт 2-р багийн малчин Пүрэвжавын Намнангарав,  Давст 3-р багийн малчин Л.Даваасамбуу,  Давст 3-р багийн малчин Баясгалангийн Бадам-Очир,  Давст 3-р багийн малчин  Х.Нямдорж нар мянгаас дээш толгой мал тоолуулан “СУМЫН МЯНГАТ МАЛЧИН" болзол хангасан тул талархал илэрхийлэв.